Frálíkur Noregstúrur

Stýrið og starvsbólkurin í Kommunufelagnum vóru í seinastu viku á arbeiðsferð í Bergen í tveir dagar.

Á ferðini var arbeitt við spurninginum um, hvørji málini eru, sum krevja serliga raðfesting  í arbeiðinum hjá felagnum komandi tíðina, og hvussu politiska ávirkanin hjá felagnum kann styrkjast.

Eisini var áhugaverdur fundur við norska Kommunufelagið KS.

Astrid Toft, sum er dagligur leiðari fyri KS í  Hordaland, greiddi frá ymsum málum, sum eru á politisku dagsskránni. Millum annað greiddi hon frá ætlaðu nýskipanini innan kommunala geiran í Noregi.  Ætlanin við hesi nýskipan er at menna staðbundna fólkastýrið, og at skapa menning kring alt landið, sum er rótfest í teimum møguleikum, ið eru at finna í hvørjum einstøkum øki.

Á myndin síggjast leiðslan í Kommunufelagnum saman Astrid Toft, leiðara fyri KS Hordaland.